A l.Beira

A LENDA DA RAIÑA E AS MARGARIDAS

A Muller agochada tralo espello mirabase termar de toda a beleza do mundo. Preguntáballe ao espello cal era a máis fermosa e o espello respondía: “vos miña señora, sodes a máis fermosa”. Entón aquela raíña cruel e despiadada fixo traer a un vagabundo, e fíxolle a mesma pregunta. Pensaba: “se son fermosa de verdade ha de pensar o mesmo ca o espello”
E repetiu: “¿cal é a máis fermosa do mundo?”
E o vagabundo que non sabía o que era un espello, que nunca tivera traballo e polo tanto ningunha Muller o amara, dado que non tiña un can, respondeu.
“Esta, miña señora é a cousa máis fermosa do mundo”.
E ensiñoulle á cruel raíña unha margarida. A raíña montou en cólera…¿cómo?¿eu ser gañada por unha simple margarida?Desas que viven nos pastos, a carón das silveiras…
Ao día seguinte ao vagabundo cortaronlle a cabeza e a raíña fixo sulfatar toda-las margaridas do seu reino. Aquel reino era o único que non tiña margaridas nen vagabundos, e así a raíña seguiu sendo a máis fermosa das frores.Mais ninguén a amou polo mal que cheiraba a sulfato.